فَسَمِعَ لِيَ ٱلرَّبُّ تِلْكَ ٱلْمَرَّةِ أَيْضًا”
(تثنية ٩: ١٩)
ياااه… الآية دي مش مجرد سطر، دي شهادة حياة.
في كل مرة كنا فاكرين إننا خسرنا الفرصة…
في كل مرة غلطنا وقلنا “المرة دي ربنا مش هيسامحني”…
في كل مرة كنا خايفين ومكسورين وضعفاء…
كان ربنا بيسمع تاني، ويرحم تاني، ويكمّل تاني.
الجميل إن “المرة دي” مش الأخيرة،
لأن رحمته أوسع من غلطتنا، وصوته أقرب من صراخنا،
وأمانته دايمًا بتسبق ضعفنا.
لو حاسس إنك كرّرت نفس الطلب، ونفس الخطأ،
افتكر إن ربنا لسه بيسمع… ولسه بيستجيب.