[walaa farouk]

يا رب، في عالم مليان ضجيج وخوف وتعب،
تيجي كلمتك تهدّيني وتطمني: "بالسلامة أضجع فأنام".
مش لأن الظروف سهلة، ولا لأنّي قوي،
لكن لأنك "أنت وحدك" اللي بتسكنني في طمأنينة.

علّمني يا رب أسيب قلقي عند رجليك،
أطرح همومي في حضنك،
وأصدق إنك ساهر عليّ، حتى وأنا نايم.
أنت اللي بتحرسني، وبتغمرني بسلام يفوق كل عقل.

يا يسوع، خذ خوفي وبدّله بأمان.
خلي كل دقة قلب تقول: "أنا ابن للملك،
والملك ما بينساش أولاده."

في كل ليلة، يا رب، إديني نعمة النوم في سلام،
وثقة فيك إن بكرة بين إيديك،
وإنت دايمًا صالح وأمين.

آمين.