[Mary Naeem]

اقنع بالرزق المقسوم انت في الدنيا لاتدوم
آمن بالرب الرحوم تعالى لا الباب يترد
- يا عايش في الدنيا تقاسي طول أجلك ولانتش راسي
يسوع دبر لك خلاص تعالى لا الباب يترد
- رميت مالك بالأرباح كثر وملا الأقداح
في جهنم بكره ما ترتاح تعالى لا الباب يترد
- إن غناك ربنا بمالك ما تقول للفقير اشحالك
جهنم بكره قعدالك تعالى لا الباب يترد
- اللي ماله عليه رخيص حباً في شخص المسيح
يجلس معه ويستريح تعالى لا الباب يترد
- ان الأخ لا بد مازارك وانت عايش في أنذارك
بكره ما تنفعش أعذارك تعالى لا الباب يترد
- الأخ راح لك البيت وانت للدعوه أبيت
يا ليتك ما استنيت تعالى لا الباب يترد
- الخادم عليه شهادة ياما دعاك للعبادة
ولاش طالب منك حاجة تعالى لا الباب يترد
- الخادم ما علهش عتاب ياما قرالك في الكتاب
وانت عايش ومرتاب تعالى لا الباب يترد
- مفتاح السما اهو في إيدك كل ما تطلبه يجيلك
من نعمة ربنا يزيدك تعالى لا الباب يترد
- تب وآمن بالمسيح فتخلص خلاص صحيح
في السما ستستريح تعالى لا الباب يترد