12 - 07 - 2025, 10:42 PM
|
|
|
|
..::| الإدارة العامة |::..
|
|
|
|
|
|
✋ متخافش أبداً من إحساسك إنك ضعيف...
أيوه زي ما بقولك كده 👀
طول ما انت حاسس إنك محدود، وعلى قدك... فـ إنت ماشي صح ✅
ليه؟
لأن في اللحظة دي، الوحيد اللي هتلجأ له هو ربنا 🙏
وهو ده الصح 💯
عارف لما يكون عندك Interview وانت مذاكر كويس؟
بتبقى حاسس إنك متحكم ومش محتاج حد 😎
لكن لو مذاكر نص نص، تلاقيك بتقوله:
"يارب خليك معايا... إديني نعمة... إسندني" 🕊️
هي كده بالظبط حياتنا الروحية ✝️
الإحساس بالضعف مش عيب، بس لازم يكون معاه رجاء ❤️
رجاء في المسيح اللي قال:
"قوتي في الضعف تُكمَل" (2كو 12: 9)
ليه؟
لأن وقتها هتعرف تقول له:
"يا رب أنا مش قادر، بس عارف إنك تقدر... مستغناش عنك"
فتلاقي نعمته بتسندك وبتشيلك 💪✨
عشان كده...
في حياتك أو خدمتك، إياك تتكل على ذاتك أو تتكبر...
وفي نفس الوقت إوعى تيأس من ضعفك
كل مرة تحس إنك عاجز أو تايه، اجري عليه وقوله:
"محتاجك... حاوطني ب نعمتك" 🙌
🕯️ يقول القديس اسحق السرياني:
"طوبى للإنسان الذي عرف ضعفه
، لأن هذه المعرفة تصير له أساسًا وبنيانًا لكل خير."
|