[walaa farouk]

يا رب،
أنت تعلم كل ما لا أقوله،
تعلم ضعفي لما بمسكش فيك،
وتعرف دموعي حتى قبل ما تنزل،
وتشوف قلبي وهو بيصرخ وأنا ساكت.
يا يسوع،
أوقات كتير ببان قوي،
بس جوايا مكسور ومتشتت،
أوقات بضحك وأنا من جواي بصرخ:
"يا رب مش قادر أكمل، شددني."
يا رب، انت تعلم
إني بحاول...
وبحبك على قد ضعفي،
وكل مرة برجعلك منكس الراس،
بتفتح حضنك وبتقولي: "لسه ليك مكان."
ثبتني فيك،
ماتسبنيش أضيع وسط الزيف،
املك قلبي، واغمرني بسلامك،
وخلي رجائي فيك أكبر من كل خوف،
لإني واثق إنك تعلم... وتحب... وتقدر.
آمين.