[walaa farouk]

لو حياتك فيلم تحب تكتب له نهاية مختلفة
ولا تكمل زي ما هو..؟🎬🤔
النهارده عيد أستشهاد أثنين أتغير حياتهم
وكتبوا نهاية جديدة ومختلفة...
حكايتنا بتبدأ بواحد صياد جاهل
ما يعرفش في حياته غير الشبكة والسفينة... 🐟🌊
واحد مندفع ومتهور يمكن بيخاف من الناس
والخوف ده خلاه ينكر ويبيع.
وبطل حكايتنا التاني لبق ومتعلم ويعرف في اللغات كتيير
لكن متطرف قاسي القلب ومتعصب وفي الاضطهاد كان شديد.
تفتكر وسط الضلمة دي هيحصل ايه ؟؟🌼

قابلوا المسيح....❤
وهنا بقي أتبدلت حياتهم ١٨٠درجة
... أتحول صياد السمك البسيط لصياد للناس
وأتحول الإنسان العادي العفوي لقائد غير عادي..
وفي وعظة بس آمن بسببه ثلاث آلاف نفس
وكأن ربنا بيقوله أنا اللي هتكلم في ضعفك
. وأتحول الحجر المكسور لصخرة أتبنى عليها الكنيسة💒
أما بطلنا التاني فحكايته حكاية النعمة
بقى غيرت قلبه وعقله ومسار حياته بالكامل...
مش بس عالجته دي خلقت منه إنسان جديد
ومن عدو للمسيح لرسول وفيلسوف المسيحية ...
والمضطهد المتعصب بقى إناء مختار ...والنهاية كانت مفأجاة .
وأتكتبت النهاية:
أمس كنت سمعان واليوم أنا بطرس
... أمس كنت شاول واليوم انا بولس.🌻
تفتكر أنت شبه مين فيهم شبه بطرس
اللي بيضعف ويبكي ويتوب ؟
ولا بولس اللي مشي غلط لكن رجع بكل قوته؟"🤔
عيد استشهاد بطرس وبولس الرسولين🌹👑
عيد_الرسل