قصيدة تلات كلمات.. عن الخدمة
قعدت مع راهب بركة، فى وشه نور وسكون
فـ وشه راحة غريبة، وسلام مالى العيون
قولتله: "نفسي أخدم، مش اعرف ابدأ ازاى ؟!
ضحك وقال بهدوء: "اسمع يا ابني الكلام"
قالّي: "هقولك تلات كلمات
اسمعهم وافهمهم،
الخدمة مش حكايات
الخدمة حياة وقلوب"
أول كلمة: اكسر نفسك،
ولو يوم فكرت انه مفيش زيك
لو مدحوك ، قول: "أنا تراب "
الذات نار تحرق تجلب خراب
، وبتخدع العقل والروح وتكسرهم
لو عندك ذات عمرك ما تكسبهم
وتاني كلمة: حب الكل من قلبك
حب نقى من غير شروط
المحبة مش إحساس، المحبة قرار ودموع
تحب اللي خانك؟ دا المسيح سامح وهو ع الصليب مرفوع..
وتمد يدك للموجوع
وثالث كلمة: صَلي كتير،
وما تزهقش
الصلاة سر حياة الخادم الناجح
اللى يصلى كتير دا الفالح
اللي يهابه ابليس وجنوده..
واللى يحقق بصلاته وعوده..
كل وعده وعده لاولاده..
يتحقق بالصلاة
كلمات Kerolos Wadee