09 - 07 - 2025, 07:01 AM
|
|
|
|
..::| الإدارة العامة |::..
|
|
|
|
|
|
يا رب،
أنا ساعات بفكر إني لو وقعت مرة،
يبقى خلاص فشلت…
بس إنت بتقوللي النهاردة:
"الصديق يسقط سبع مرات ويقوم."
يعني مش السقطة هي النهاية،
لكن القيام بعدها هو اللي يفرق.
أنا مش كامل،
بس أنا ليك…
وأنا واقع كتير،
لكن قلبي لسه بيرجعلك، ولسه بيحبك.
يا رب،
ساعدني لما أقع ما أقعدش،
ولما أضعف، ألاقيك ماسك إيدي،
ولما أتكسف من نفسي،
أسمعك بتقوللي: "أنا لسه بحبك… قوم."
علّمني أكون زي الطفل اللي بيقع ويتعلم،
مش اللي بيقع ويخاف يحاول تاني.
ثبت رجليّ على طريقك،
وافتح قلبي كل يوم لتوبة جديدة،
وأوعيني دايمًا على محبتك، مش على سقوطي.
آمين.
|