05 - 07 - 2025, 06:23 AM
|
|
|
|
..::| الإدارة العامة |::..
|
|
|
|
|
|
يا رب،
إنت عارف قد إيه الإنسان لما بيكون مرتاح بينسى…
ينسى إن كل نَفَس في صدره نعمة،
وإن الصحة مش مضمونة،
وإن القوة مش دايمة.
علّمني أتواضع قبل ما ييجي المرض،
قبل ما جسمي يضعف،
قبل ما أقف عاجز قدام وجع أو ألم أو دكتور.
خليني أعرفك في وقت الراحة،
مش أفتكرك بس وقت الشدة.
خليني أختار التواضع وأنا واقف،
مش لما الظروف تخليني أركع.
يا رب،
إديني قلب يعرف حجمه،
ويسجد ليك بإرادته مش تحت ضغط،
ويدوق طعم التوبة قبل ما الظروف تفرضها عليا.
أنا عايز أرجعلك دلوقتي،
بقوة صحتي، بوقتي، بعقلي،
وأقولك: سامحني على كل كبرياء،
وعلّمني أعيش متواضع قدّامك وقدّام الناس.
|