متسمحش لحد يدخل حياتك ويلبسها مقاسه،
يظبطك على مزاجه،
ويكمّم صوتك، ويلغي شخصيتك تحت مسمى “بيحبك”.
الحب الحقيقي مش تحكم،
ولا إنك تعيش اليوم من أوله لآخره على أوامر حد،
ولا إنك تمشي على تقاليد هو نفسه مش فاهمها بس بيكررها.
متقبلش تبقى “ضيف” في حياتك،
متبقاش موجود بالجسد… وغايب بالروح.
محدش ليه حق يقررلك مين تكون،
ولا يختارلك طريقك،
ولا يطفي فيك شغفك ويحط مكانه خوف!
عيش حُر…
اختار، غلّط، اتعلم،
بس متعشّش في قفص حد تاني.
اللي بيحبك هيطير معاك مش هيقصّ جناحاتك.