[walaa farouk]

بطرس قبل حلول الروح القدس
+++++++++++++++++++++



+++ اندفاعه البشري:
كان دايمًا مندفع، بيتكلم قبل ما يفكر، زي لما قال للمسيح:

"وإن شكّ فيك الجميع فأنا لا أشك أبدًا" (متى 26: 33)
وفي الآخر أنكرك تلات مرات في نفس الليلة!

+++ الخوف والضعف:
رغم إنه كان بيحب المسيح جدًا،
لكنه خاف من جارية بسيطة وساب كل الشجاعة، وقال:

"لا أعرف هذا الرجل!" (متى 26: 74)

+++ قلة الفهم الروحي:
في مرات كتير ما كانش فاهم قصد المسيح الحقيقي
، زي لما المسيح قال لهم إنه لازم يتألم ويموت، رد عليه بطرس:

"حاشاك يا رب! لا يكون لك هذا!" (متى 16: 22)
والمسيح اضطر يقوله: "اذهب عني يا شيطان".

+++ غلبت عليه الطبيعة الجسدية:
في بستان جثسيماني لما جم يقبضوا على يسوع
، استل سيفه وقطع ودن عبد رئيس الكهنة (يوحنا 18: 10)،
لأنه كان فاهم الموضوع بالجسد مش بالروح.

بطرس بعد حلول الروح القدس
++++++++++++++++++++++

+++ الشجاعة الخارقة:
بعد يوم الخمسين، قام يكرز بكل قوة قدام اليهود
واللي صلبوا المسيح وقالهم:

"أنتم بيد أثمة صلبتموه وقتلتموه" (أعمال 2: 23)
وما خافش ولا اهتز ولا هرب.

+++ الفهم الروحي العميق:
اتحول من صياد سمك بسيط إلى كارز وفاهم الكتب والنبوّات،
وربط كل اللي حصل مع المسيح بنبوات العهد القديم،
زي في عظته الشهيرة في أعمال 2.
+++ قوة الشهادة:
بقى مستعد يموت عشان اسم المسيح، وقال قدام المجمع لما هددوه:

"ينبغي أن يُطاع الله أكثر من الناس" (أعمال 5: 29).

+++صانع معجزات:
بطرس اللي كان زمان ضعيف، بقى يمشي وظلّه يشفي المرضى
(أعمال 5: 15)، وقام أُينياس وطابيثا من الموت (أعمال 9).

+++ اتضاعه:
رغم كل المجد والقوة اللي أخدها، كان دايمًا فاكر إنه خاطي
ومحتاج نعمة ربنا، وطلب بنفسه إنهم لما يصلبوه،
يصلبوه منكس الرأس لأنه مش مستحق يموت زي سيده.


الروح القدس ما بيغيّرش بس أفعالنا، بيغيّر أعماقنا وطبيعتنا كلها.
بطرس كان نموذج للإنسان الضعيف
اللي اتحول بعمل النعمة لشاهد ورسول وأب كارز للعالم كله.