" وَظَهَرَتْ لَهُمْ أَلْسِنَةٌ مُنْقَسِمَةٌ كَأَنَّهَا مِنْ نَارٍ
وَاسْتَقَرَّتْ عَلَى كُلِّ وَاحِدٍ مِنْهُمْ." (أع 2 : 3)
يا رب..
أنا شايف المشهد بعين قلبي:
نار بتنزل من السما..
مش نار بتأذي لكن نار بتطهّر بتنوّر وبتغيّر..
نارك نزلت على كل واحد فيهم..
في العهد القديم..النار كانت علامة حضور الله في الجبل..
وفي العهد الجديد..النار بقت بتستقر على الإنسان نفسه..
مش على حجر لكن على قلب..
والأجمل..
إن النار دي ما نزلتش على بطرس بس ولا على يوحنا بس..
لكن "على كُلّ واحد منهم"..
يعني مفيش حد مُهمّش مفيش حد بعيد..
الروح نازل لكل واحد علشان يشعل رسالته بطريقته..
يارب..
خلى الروح القدس يشتعل فيّ..
ويخلي كل جزء فيّ قابل للاستخدام..
آمين.