[walaa farouk]

عزيزي الله،
في اختيارات خذلت،
وفي اختيارات وقعت من إيدينا،
وفي أماكن ما بقيناش نعرف نرجع لها تاني.
لكن في وسط كل التغييرات دي،
إنت ثابت..
وإيدك لسه ماسكة فينا مهما بعدنا، مهما وقعنا.

في مواقف ما فهمناهاش،
بس قلبنا مصدق إنك شايف الصورة كاملة،
وإنك مش سايبنا لحظة، حتى وإحنا مش حاسين بيك.

الخالق اللي مصمم قلوبنا،
هو نفس الخالق اللي هيعوضنا في الوقت اللي انت شايفه مناسب.
إنت الخير حتى لما الخير بيتأخر.