🙏💖دايما بييجي في بالي إحساس أبرار العهد القديم وهما موجودين في الجحيم ولحظة دخول السيد المسيح المهيبة عليهم وكسره لأبواب الجحيم وتحطيم قوة الشيطان واصطحابهم للفردوس عن كمية الفرح والسعادة اللي كانوا حاسين بيها في الوقت ده وبقول يا بختهم باللحظة دي .
ولكن اكتشفت أن كلنا ممكن نكون مرينا باللحظة دي ويمكن اكتر من مرة لما نكون في ضيقة قوية وبحساباتنا البشرية مفيش حلول وبعدين مرة واحدة بدون أي مقدمات نجد يد الله ف الأحداث وفي لحظة واحدة تتحل المشكلة ❤️
لذلك متنساش إن 🤍من عمق الألم يولد الفرح🤍
🤍 وفي عمق التجربة يوجد المنفذ 🤍
🤍 وإن كان موت فلابد من قيامة 🤍
" اَللهُ لَنَا مَلْجَأٌ وَقُوَّةٌ. عَوْنًا فِي الضِّيْقَاتِ وُجِدَ شَدِيدًا. " (مز 1:46)💪✝️🙏