[Mary Naeem]

عيد استشهاد الشهيد العظيم مارجرجس الروماني
.
"
يا له من يوم... يوم يذكره التاريخ باسم بطل لا يُنسى، وفارس لا يُهزم، قديس عاش للحق ومات علشانه، وفضل حيّ في قلوبنا لحد النهاردة.
النهاردة الكنيسة كلها، من الشرق للغرب، من أقدم المذابح لأصغر كنيسة، بتتهلل وتسجد شكرًا لأمير الشهداء، مارجرجس، اللي فاق الكل في غيرته، وثباته، وإيمانه الراسخ.
عيدك مش بس تذكار يا مارجرجس،
عيدك قوة، وعزوة، وكرامة لكل اللي بيعرفوك وبيحبوك.
عيدك بيعلّمنا إن النعمة أقوى من كل ألم، وإن المسيح يستاهل إننا نقدمله حياتنا بالكامل.
يا فارس المسيح... يا مَن احتملت سيوف الملوك، ونيران العذاب، وجروح الطغاة، وما انكسرتش...
يا مَن رفضت المجد الأرضي، وطلبت الإكليل السماوي...
يا مَن جعلت من دمك ترنيمة نُصرة وسيرة فخر لأجيال وأجيال.
النهاردة بنحتفل بعيدك، وبنطلب شفاعتك عنّا، عن كنيسة المسيح، عن وطنّا، عن أولادنا وشبابنا وبناتنا...
بارك كل نفس بتيجي لتمس صورتك، أو تنده باسمك، أو تدمع وهي بتقول "يا مارجرجس، إلحقني!"
واثقين إنك مشغول بينا، وإنك ما بتنساناش، وإنك بتركب حصانك السماوي، وبتسبق كل صرخة محتاجة معونة.
يا شهيدنا الحبيب، خليك دايمًا سور حوالينا، وصلّيلنا نعيش إيمانك، ونمشي على خطواتك، ونبقى أمناء حتى الموت... علشان ناخد الإكليل زيّك.
كل سنة وانت في السماء متهلل،
وإحنا هنا على الأرض بنحبك،
ونكرمك،
ونفتخر إنك شهيدنا.