[walaa farouk]

ممكن تقتل،
آه صدقني .. الكلمة ساعات تبقى أشرس من الرصاصة.
الرصاصة بتخلص في لحظة،
لكن الكلمة ممكن تفضل تعوّر سنين.
في ناس مشيت وهي بتنزف من جملة،
وفي ناس كانت بتضحك وكل ضحكتها كانت استغاثة.
وفيه ناس ماتت -حرفياً- بسبب كلام تنمر عليهم .
اللي بيتنمر يمكن ينسى اللي قاله،
بس اللي اتقال عليه.. مابينساش.
ربنا يلمّ كل قلب اتوجع،
ويجبر كل نفس انكسرت،
ويحامي عن كل حد طيب ما استاهلش القسوة دي.
ويا رب..
علمنا نختار كلامنا،
ونفتكر دايمًا إن فيه ناس بتعيش على كلمة،
وفيه ناس بتموت منها.