22 - 04 - 2025, 07:45 PM
|
|
|
|
..::| الإدارة العامة |::..
|
|
|
|
|
|
هييجي حلمك ..
من غير ما تدور عليه ..
من غير ما تعمل مجهود تثبّت وجوده ..
هييجي بهدوء..
كأنه دعوة قلتها من سنين وانت بتعيط،
وسبتها في السما، ونسيتها.
بس ربنا ما نسيهاش.
خبّاها في حضنه ..
زي كنز صغير مستني لحظة الكشف.
لأنك لو كنت أخدته بدري؟
مكنتش هتقدّره ..
ولا هتعرف تعيشه زي ما المفروض تعيشه.
هو حافظ كل طلبة طاهرة طلعت من قلبك،
حتى اللي كنت فاكر إنك نسيتها ..
لسه على مكتبه ..
مكتوبة بخط إيدك ..
ومختومة بـ “هيتحقق لما الوقت يبقى كامل”.
سيب الحلم ييجي لما السما تقرر ..
ماتستعجلش ..
اللي جاي مش بس على قد أمنيتك ..
ده على قد محبته ليك.
هييجي حلمك ..
من حيث لا تدري ..
في وقت كنت فاكره عادي،
في لحظة كنت مستسلم فيها ..
علشان تفهم إن النعمة مش بتجي وانت قوي ..
دي بتظهر وانت سايب كل حاجة بين إيده.
|