21 - 04 - 2025, 07:25 PM
|
|
|
|
..::| الإدارة العامة |::..
|
|
|
|
|
|
سبت النور...
اللحظة اللي فيها كل حاجة باينة ساكتة،
لكن في السماء في خطة شغالة.
الناس كانت شايفة القبر مقفول…
بس ماحدش شايف إن المفاتيح اتسحبت من الموت.
ماحدش شايف المعركة اللي اتعملت تحت، بين الحياة والموت…
وإزاي المسيح دخل للهاوية، مش مهزوم، لكن غالب…
بياخد المفديين بإيده… وبينوّر الطريق اللي كان مضلم.
سبت النور مش يوم سكون…
ده يوم التحوّل العميق اللي بيحصل في الخفاء..✨️
لو حياتك دلوقتي شكلها أشبه بـ "سبت النور"…
ساكتة، غامقة، مافيهاش إجابات،
افتكر إن السماء مش ساكتة…
في خطة شغالة، في عمل بيتحضر…
والنور جاي… جاي يكسر الصخر،
ويفتح القبر، ويعلن بداية جديدة💜🙏
|