01 - 04 - 2025, 11:10 AM
|
|
|
|
..::| الإدارة العامة |::..
|
|
|
|
|
|
عند البير!!!
دايما كنت لوحدي بروح
قلبي عنيد ، رغم انه.. مليان بجروح
مليان بخطية ..
كل فكر و عادة ردية
نفسي شايلة حِمل تقيل!
عند البير ...
كنت بروح وأنا تعبان ..
و انا مخنوق...و انا عطشان ...
و دايما حاسّس ..
انه بعيد...
علطول حاطّط
بيني و بينه حيطان و سدود...
عند البير ... كان موجود ...
كان مستني...
قاعد متأني ...
كلمني و دعاني لبيته..
عند البير .. أنا صديته!
قلت أنا رافض أي علاج
قلت في وشه : أنا مش محتاج
أنا زي الفل...أنا شجرة تين مليانة أوراق!!
عند البير... قاعد مشتاق ...
و عينه عليا ..
عارف إن انا أرضي بور ... محتاجة لمية
أرضي جافة و ناشفة ..
و خايفة!
و هو معاه من روحه أنهار!
فتّح مواضيع... و فتحلي حوار
شجعنّي ... ايوة و طمنيّ
حكّي معايا ..كلمني كتير ...
بحب كبير ...
و قدام حبه ، حصل التغيير ..
عند البير!!!
|