أنا في انتظارك ياربى الأمين وراكع باصلى وباطلب لمصر
رجايا ف وعودك دا عبر السنين يمينك بتصنع من الكسر نصر
خلاصك قريب من خائفيك ومجدك ها يسكن في أرضنا
وشمسك ها تشرق لمنتظريك وتيجى وتصنع وعودك لنا
أنا في انتظارك ياربي الأمين في وسط الكنيسة وشعبك هنا
معاهم باصلي ومستنيين حضورك في مصر بمجد و غنى
أنا في انتظارك وقلبي صبر وان الأرض نشفت وان النهر جف
مصدق في إنك هاتبعت مطر ومستني اشوف غيمة أد كف
أنا في انتظارك ومستني صبح ونورك يبدد ظلام السنين
ورافع راياتك بحمد وبسبح باعد لمجيئك وباهتف آمين