[walaa farouk]

اللي إيده فى الماية مش زي اللي إيده في النار 🔥
اللي مايعرفش يقول عدس....
وغيرها من الأمثال بنستخدمها
لما نبقي عايزين نقول إن الشخص اللى قدامنا
مش عارف اللي إحنا بنعدي بيه ..
.بمعنى أصح مش حاسس بينا ...
وده يرجع لأمور كتيرة منها أنه مثلا ماعداش بنفس الموقف.
أو أنه مستهون بمشاعرنا حاسس أن الموقف
مش قد تعبنا ويقول لنا (ده موقف سهل فيه ناس بتعدى بأصعب من كده بكتييييير)....
أو بيبقى مظهرنا مداري ألمنا .....أو ..أو ..إلخ
دايما بنقول مش هايحس بيّ وبوجعي غير اللي عدى بيه ....
وده بالظبط اللى حصل مع يسوع
وهو عايش على أرضنا حس بأوجاعنا ومر بكل ألم بنعبر بيه ...
مر بإحساس الخيانة والترك من أقرب الناس، مر بإحساس ان تلاميذه ماصدقوهوش وشكوا فيه في مواقف كتير، مر بالظلم ..
..مر بالوجع الجسدى والنفسي ....😔
مر بعدم القبول أوقات وقُرب الناس منه للمنفعة فقط أوقات تانية ......
مر بالفقد وقت موت لعازر ومر بالإهانة عند الصليب ...
أي مشاعر بنعدى بيها مرت عليه قبلنا ....
عشان كده ينفع نقول إنه دايمًا حاسس بينا ومقدر وجعنا ...
ومش بس كده هو كمان قادر أن يعين لتعبر أزماتنا....
‫ٱلْعِبْرَانِيِّينَ 2:‏18
لِأَنَّهُ فِي مَا هُوَ قَدْ تَأَلَّمَ مُجَرَّبًا يَقْدِرُ أَنْ يُعِينَ ٱلْمُجَرَّبِينَ.

قلبي مديون لمعونة مُعدة ليّ في كل أزمة
وكل امتحان وكل تجربة ......🙏
ساعدني استقبلها مهما كان الحمل تقيل والتجربة صعبة .....🙏🙌