احكيلنا عن إلهك .. عرفنا من خلالك
فيك إيه أنت منه .. وإيه الصفات إللي إدهالك
إلهي طيب حنون .. معايا مطرح ما أكون
ولا عمري مرة أبدًا .. عليه في يوم أهون
إلهي ملك جبار .. خدامه لهيب من نار
لكن في حنانه ماشفتش .. علي ولاده الصغار
بيحب كل الناس .. بصدق وبإخلاص
وقدم نفسه عشانهم .. وكان ليهم خلاص
حب إللي بيكرهوه .. وسامح إللي صلبوه
وصلى كتير عشان .. يغفرلهم أبوه
طيب فينك أنت منه .. ورثت إيه عنه
لو كان حقيقي أبوك .. اتمثل بيه يا ابنه