[walaa farouk]

“محتاج كام صلاة عشان تستجيب يا رب؟!”
السؤال ده مر في بالي كتير… لما تعبت من الانتظار،
ولما كل حاجة حواليّ بقت عكس اللي بطلبه،
ولما كنت بحاول أصلي، بس جوه قلبي صوت بيهمس: “
هو سامعك أصلًا؟”
مش عدد الصلوات هو اللي بيحرّك قلبه، هو أصلًا قريب،
سامع، وعارف حتى اللي مش قادر أقوله.
يمكن هو مش منتظر عدد معين من الصلوات،
لكن مستنيني أوصل للحظة اللي أثق فيها إنه بيشتغل في الخفاء،
وإنه حتى لو اتأخر، عمره ما هينساني.