[Mary Naeem]

يارب وحد بالمحبة شملنا وفي المسيح ينضم كل المؤمنين
دي الفرقة متعبرش عن روح المسيح وإهانة للمصلوب وللدم الثمين
قال المسيح وهو راكع في الصلاة عايز أشوف الكل في موحدين
طلب المسيح إن الجميع يتوحدوا ويعيشوا فوق كل الخلاف متغلبين
و ياخدوا من روح المسيح مسحة حنان
تنزع بذور الفرقة وتنمي الحنين ... تنزع بذور الفرقة وتنمي الحنين
أزاي يعيش الإخوة في كل اتجاه ... وإزاي يكون أهل المحبة مفرقين
ضروري ييجي اليوم و يجمعنا المسيح مهما تفوت على الفرقة ألاف السنين
لازم في يوم الحب يملك قلبنا يضمنا ولا يفترقش المؤمنين
ليه نختلف على القشور متفرقين ... وليه نعيش بعد الإيمان متقسمين
لينا مسيح واحد وحيد شاهد أمين لينا صليب واحد بيفدي المذنبين
لينا رجاء واحد يعود لينا المسيح ونعيش معاه وسط الملايكة منورين