[Mary Naeem]

* يارب مين يقدر يداوي اللي انجرح
يشفي بكلمة مهما كان عمق الآلآم
وقت الدموع فوق الخدود تدي فرح
تدي القلوب وقت الكروب راحة وسلام

انت اللي قلبك كله جود مش قلبنا
كلك صلاح أبداً ما ترضي تضرنا
رغم الألم عندك بنيجي و ننحني
فكرك أكيد أعلي بكتير من فكرنا

* رغم الجراح نشهد نقول إنت أمين
جودك عظيم وقت المحن بتأكده
كل الآلآم جربتها وتقدر تعين
اللي انكوي بنار الفراق وتسنِّده

* دي حكمتك نخضع لأمرك يا حبيب
انت الحكيم فوق العقول طرقك يارب
بعد السفر لازم يروح بيته الغريب
وإنت رفيق للي في سفر وأحنْ أب

* صعب الفراق لكن أكيد راح تنتهي
غربتنا راح تخلص حياة زي البخار
ادينا حكمة نعيش لمجدك نفتدي
العمر اللي باقي و نبقي دايماً في انتظار