[Mary Naeem]

حنيت لكتير م الذكريات
واحشني هدوء عُمري اللي فات
وعشان تعبان جدًا وضعت .. فرجعت

يمكن عشان مابقتش ضامن
ان الوضع هيبقى آمن
وكمان انا اللي مشيت وبعت .. فرجعت


يارب محتاجلك ضروري
انت عارف ايه شعوري
وقد ايه محتاج ايديك

مش غصب عني ابعد واسيب
انا اللي اخترت النور يغيب
لكن دلوقتي احتاجت ليك

خليني اصارحك ليه رجوعي!
وليه نِزلت حالًا دموعي
عشان بصراحة تعبت يعني و اشتقت ليك
وطبيعي مش هَبني سعادتي
على حلم هَش وفرح وقتي
حالة التخبط دي بإرادتي
انا جيت عليك