[روشا الفرفوشه]

ليه ديما بناخد كل حاجه بالمظاهر
ليه عشان انتى ولا انت فى كليه
تبصوا للى اقل منكم بصه مش هي

طب ليه الناس لما بتعرف انى تجارى بتتخض وتبعد فجأه
مع انهم لما بيقربوا منى بيعرفوا مين هى ميرو
وفى ناس لما بتسمع تجارى بتخاف تقرب اصلا

يمكن عشان تجارى مهياش الحاجه الكويسه اوى
مع انى ممكن اكمل على جامعه وابقى زيكم

مش كل اللى فى تجارى وحشين
ولا كل اللى فى عام كويسين

اى مكان فى الوحش وفى الحلو
يعنى مرحله الثانوى
لو ركزنا شويه
هتلاقى ناس كانت كويسه ودلوقتى لا
وناس كويسه وقدرت تفضل كده
وناس تانيه من الاول مش كده

اصل الحياه مش بالمظاهر

والحياه برضوا مش كلها كويسين ولا كلها حلوين

اصل فى كل مكان زى ما فى خير هيكون فى شر
وزى ما فى الكويس فى الوحش

حتى جوة الكنيسه
متستغربوش
اصل الحياه مهياش بالمظاهر

طب اقولك
بلاش لما تيجى تشوف حد غريب تكشر
فى وشه وتقول ده شكله رخم
طب ما تقول لنفسك يمكن يطلع كويس واتكلم معاه

متاخدوش الحياه بالمظاهر ولا بالتعليم
خدوا الحياه بالقلوب وبطريقه الناس اللى بنعاملهم

بلاش تاخد فكرة وحشه عن اللى قدامك
وبلاش تعامله على اساس كلمه او رأى حد تانى فيه
انت قادر تحكم على اللى قدامك
اتعامل معاه بعدين قرر بقى هو طلع ايه ؟




****M*****