[walaa farouk]

في عز الصيف ساب الزرعه في البلكونه
وسافر مع اسرته مصيف خمس ايام
كان طول الوقت خايف عليها تموت
خصوصا بعد ما اسرته رفضت تخليه ياخدها معاه تحت شعار
( هناخدها ازاي وهانشيلها فين !! )

الغريب للمنطق والطبيعه حصل مطر في اليوم التالت
روى الزرعه العطشانه
وقفها على حيلها بعد ماكانت قربت تدبل

كلهم قالوله تلاقيها ماتت
لكن لما رحلتهم خلصت ورجعوا البيت ،
ظهر الانبهار على وشوشهم لما لقوا الطينه فيها اثار مايه
وعرفوا من الجيران ان الجو مطر

المنطق بيقول ظاهرة كونيه نادره ادت لسقوط الامطار رغم ارتفاع درجة الحراره

اما قلبه بيقول ، غير الله مسار الكون من اجل صلاتي
، كي ينقذ شئ احببته بصدق وبكيت من قلبي لاجله

مش شرط المنطق دايما يتحقق
ساعات بيكون فيه استثناءات الهية نتيجة صلوات ودموع

الله قادر ان يغير الكون من اجلك
يخترق المنطق ، ويفعل ما يستحيل فعله من اجلك

حامل رغم استحاله الحمل
فائض مادي رغم الديون
وظيفة مناسبه رغم اليأس
شبع رغم الجفاف
زيجة صالحه رغم تأخر العمر
شفاء رغم سوء التحاليل

دي مش مجرد قصه ولا حدوته
ده ايمان عايش بيه ناس كتير
ان الله قادر ، وفي لحظات لم تتوقعها قد يمطر الكون من اجلك
نعم من اجلك انت ايها البائس اليائس ❤️