[walaa farouk]

عارف ليه الفرح بيروح من حياتنا😥
تعالى أفكر معاك في الفكرة دي شوية
لأنها كتير بتشعل بالي! ليه الفرح بيهرب من حياتنا في أوقات كتير، وأيه الحل لده. 💁‍♂️
واحدة من أشهر الآيات اللي بتتكلم عن الفرح وحفظينها....
"تبتهجون بفرح لا ينطق به ومجيد"
وماعرفش ليه دايمًا كنت معتقد إنها في المزامير وفي مرة قررت أدور عليها
. لقيتها في رسالة بطرس الأولى ودي أول مفاجاة
وبعدين قلت أقرا إللي قبلها وبعدها لقيت الأيه العبقرية دي
بتنورقدامي رسالة بطرس الأولى ١: ٨
الَّذِي وَإِنْ لَمْ تَرَوْهُ تُحِبُّونَهُ.(وبيقصد هنا المسيح)
. ذلِكَ وَإِنْ كُنْتُمْ لاَ تَرَوْنَهُ الآنَ لكِنْ تُؤْمِنُونَ بِهِ،
فَتَبْتَهِجُونَ بِفَرَحٍ لاَ يُنْطَقُ بِهِ وَمَجِيدٍ، (١ بطرس ١: ٨).
٣ كلمات جات قبل الفرح والتلاتة مرتبطين بيسوع:
1- تحبونه
2- لا ترونه
3- تؤمنون به
الفرح جاي بعدهم. بعد حرف {ف}
والفاء هنا سببية يعني بسبب الحاجات دي بتفرحوا!
صديقي ممكن أسالك بتحبه! وبتحبه إزاي.... ويعني أيه بتحبه....
واضح أن الكلمة دي ليها عمق كبير لسة كتير محتاجين ندركه.
وهنا قعدت أصلي لأجل محبتي للمسيح أنها تبقى حقيقية كمان تزيد! 🙏
الرسول بطرس هنا بيأكد أنه رغم أنهم ماشافهوش بالعيون الجسدية لكنهم صدقوا وأمنوا بيه.
... وكرر مرتين رغم أنكم مش شايفينه مرة في الماضي ومرة في الحاضر....
عارف ساعات كتير بتمنى اشوف يسوع...
وبيبقى عندي كدة غيرة من الناس اللي بتعرفه وتشوفه في أحلام وكدة....
أنا بقى بحس أني مش شايفه روحيًا حتى في ساعات كتير... مش بس كدة .
.. ساعات الدنيا بتبان مضلمة...
ساعات الواحد مش بيكون شايف حاجة ولا فاهم حاجة ولا عارف حاجة...
. أقولك ولا حتى ببقى حاسس بحاجة.... 😞
بتكون كل حاجة مضلمة ومش قادر أحس بيسوع وأشوفه... مع أني بحبه ...
أه بحبه جدًا بجد.... هنا بيجي دور الايمان...
أني مصدق رغم اني مش شايف... لكني مصدق...
بالرغم أني مش حاسس...لكني مصدق...رغم أني تايه لكني مصدق
مصدق أنه يسوع موجود! مصدق أن يسوع حي..
مصدق أن يسوع جالس عن يمين العظمة.. مصدق أن يسوع جاي!... هليلويا 😊
تصدق وأنا بكتب الكلمات دي دلوقتي ابتهجت وفرحت
هنا بيجي الفرح.... هنا بيجي الابتهاج..... هليلويا🥰