[walaa farouk]

فيه ناس ما تعرفش تحس بحد ،
و لا تعرف تهتم بحد ، او تعرف تحسس حد بأهميته ..
تتكلم و لا هما هنا ، تطلب و لا كأنك طلبت ، تشتكى و لا كأنك اشتكيت ..
لو غلط و كلمتهم او طلبت منهم ، كأنهم اتولدوا من غير ودان
، لا بيسمعوك و لا بيحسوا بيك ..
و يا ويلك لو هما بقى اللى كلموك او طلبوا منك حاجة
و اتأخرت دقيقة واحدة ، يقعدوا على ودانك
، و لو فكرت ترمش يقلبوا الدنيا عليك ، و يهاجموك و يقلوا بيك فى الدنيا كلها ..
و فيه ناس تعرف تديك الاهتمام اللى يخللى الدنيا حلوة فى عينيك ..
اغلط بس و اطلب حاجة منهم ، يحسسوك انك اهم واحد فى الدنيا ،
و ان ليهم هما الشرف انهم بيخدموك ،
و يهتموا بموضوعك كأنه موضوعهم هما ،
و ما يهداش ليهم بال الا لما يحققوا لك طلبك ..
حسس الناس بأهميتهم ..
و لو حد قصدك فى طلب ، خد موضوعه بجد ،
و بل ريقه باهتمامك بطلباته..
تابع طلبه ، رد عليه ،و اعمله كل اللى فى ايدك تعمله ليه ..
حبة اهتمام بالناس يخلوا دنيتهم جنة ..