[walaa farouk]

تخيل ان حد قالك بشكل مباشر انت حياتك دي مالهاش لازمه
و انك وجودك وسط اللي حواليك هو Big Zero
هاتحس ب ايه؟
ده كان هايبقى احساسنا لشكل الحياه لو ماكانش جانا المسيح
، كان هايبقى التاريخ عباره عن احداث مؤلمة وحروب و صراعات بلا جدوى،
مافيش معنى للي بيحصل ده.
لكن لما ظهر الملاك للقديس يوسف قاله ماتخافش انك تأخد امرأتك
لانها حبلى من الروح القدس، و قاله ان التاريخ بماضيه كله بكل احداثه
و كل شيئ حصل فيه بيشاور فقط على شخص المسيح
اللي هايجي لعالمنا وَهذَا كُلُّهُ كَانَ لِكَيْ يَتِمَّ مَا قِيلَ مِنَ الرَّبِّ بِالنَّبِيِّ الْقَائِلِ:
"«هُوَذَا الْعَذْرَاءُ تَحْبَلُ وَتَلِدُ ابْنًا، وَيَدْعُونَ اسْمَهُ عِمَّانُوئِيلَ» الَّذِي تَفْسِيرُهُ: اَللهُ مَعَنَا." (مت 1: 23).
اللي قال النبوه دي كان اشعياء و بعدها ب اكثر من 700 سنه
، الملاك ظهر ليوسف و فكره بالنبوه
و قاله انها هاتتم من خلال القديسه المطوبه مريم العذراء
عشان يتم كل الكلام الصالح اللي ربنا بيقوله..
النبوه دي واحده من مئات النبوات اللي اتقالت عبر مئات السنين عبر تاريخ الكتاب المقدس
وكلهم بيشاوروا على مجيئ المسيح
، لان التاريخ معناه و جدواه في واحد فقط يجي ينوره
"كَانَ النُّورُ الْحَقِيقِيُّ الَّذِي يُنِيرُ كُلَّ إِنْسَانٍ آتِيًا إِلَى الْعَالَمِ." (يو 1: 9).

حياتك بدون المسيح هي مجموعه احداث جانب بعضها،
لا هي مفهومه ولا انت عارف تفك شفراتها
ولا تقول ايوا انا عارف المغزى و المعنى من ايامي ومن وجودي
. لانها شريره"مُفْتَدِينَ الْوَقْتَ لأَنَّ الأَيَّامَ شِرِّيرَةٌ." (أف 5: 16).
ايامك و ايامي مايجيش من وراها الا الشر و يكفي اليوم شره
"فَلاَ تَهْتَمُّوا لِلْغَدِ، لأَنَّ الْغَدَ يَهْتَمُّ بِمَا لِنَفْسِهِ. يَكْفِي الْيَوْمَ شَرُّهُ." (مت 6: 34).
لكن بالمسيح يسوع ربنا يصبح كل الشر اللي انت اتعرضت له
و كل الماضي الاليم ما الا الوسيله اللي بيها تعرف تعيش احلى و اروع حاضر
في حياتك لانه بالمسيح انت الله معك عمانوئيل معك.
عايز تعرف و تكتشف ازاي كل الماضي كان ولازال في صالحك
و ازاي تعيش اليوم بيومه!! يسوع اتولد بس عشان الهدف ده
افرح و احتفل بميلاد المسيح اللي بيدي المعنى الوحيد لايامك
، لان قبل المسيح ده اسمه قبل الميلاد لكن مع المسيح انت ميلادك بيبتدي.