[walaa farouk]

عاوز اقولك كلمه من بدري
هايجي آخر يوم في تسبحه كيهك كله هايكتب الجمله دي
( آخر الايام الحلوه.. اخر مره نقول امدح في البتول .وبعوده الايام يا فخر الانام) وشويه كلام لا هو بتاعنا ولا حتي روحي
بس قبل ما شهر كيهك يخلص ولسه في أوله وقبل ما تكتب الجمله دي آخر شهر كيهك
( استفدت ايه)
ده السؤال اللي ممكن نسأله لروحنا اخر كيهك
( استفدت ايه)
هل استفدت عمق روحي جديد
استفدت علاقه مع ربنا اقوي
استفدت معني تسبيح في حياتي دايم
ولا اكون استفدت لايكات لصورتي مع سيدنا فلان ولا ابونا فلان
ولا اكون استفدت تغيير جو وبوستات من نوع اللي هو
( الجو ده عاوز امدح في البتول وبعدها كوبايه حمص شام &#128513
ولا جمله
( الجو ده عاوز صوت الانبا فلان او الانبا فلان مع صوت المطر )تحس انك مثلا بتسمع فيروز😄
ولا استفدت لايفات وسلفي واحنا بنقول مديحه ولا لحن
علشان كده بقولك من بدري
قبل ما نكتب
جمله ( احلي الايام خلصت ) والجو ده
استفدت ايه ؟!
حاول ماتضيعش شهر في تسبحه عميقه روحيه
في شويات اجواء فاضيه لا بتودي ولا بتجيب ولا بتبنيك روحيا
حاول تستغل الشهر في امر روحي تبنيه جواك من خلال التسبيح
حاول وانا وانت صوتنا بيعلي في اللحن يعلي صلاه من قلب بحراره الروح مش بحراره نفسيه بشريه
الخلاصه
خلي فرحتك باللحن والمديح
نابع من اختبار عشته مع المسيح