12 - 12 - 2024, 08:11 AM
|
|
|
|
..::| الإدارة العامة |::..
|
|
|
|
|
|
زوادة اليوم:
أنا آمنت !
بيخبرو عن صبي عم يلعب مرَّة لاقى عالطريق نجمة مكسورة من اللي بيعلقوهن عالشجرة.
أخدها و ركض عا بيتو و جاب تلزيق
و قضّى ٣ إيّام يجرِّب حتَّى لزَّقها و زبَّطها و بكلّ فخر علَّقها عا شجرتو.
بليلة الميلاد بيتفاجأ هوّي و عيلتو بالنجمة
عم تبرق و تضوّي شو حلوة بيَّنِت!
قال الزغير : أنا آمنت إنها رح ترجع تلمع من جديد!
الزوّادة بتقلّي و بتقلَّك :
أوقات كتير بالحياة منكون مكسورين
و بدنا بس حدا يآمن فينا وهالثقة بتساعدنا نرجع نلمع من جديد...
الحُبّ بيصلِّح كلّ شي مكسور!
يا ربّ الطفل يسوع يرمِّم كلّ جرح بقلوبكن
و نور الميلاد يخلّيكن تلمعوا من جديد و الله معك.
|