07 - 12 - 2024, 06:48 PM
|
|
|
|
..::| الإدارة العامة |::..
|
|
|
|
|
|
فيه ناس تلعب بيك زى "اليويو" ..
تقرب منك او تقربك ليها قوي قوي ..
و تديك كمية مشاعر و تقدير و تغرقك و تعلقك و تعشمك فيها لأبعد الحدود ..
و بعدين ، و من غير اى تفسير و لا سيب ، يبعدك و يهملك و "يكرفك" .
. يقفل تليفوناته عليك، و يقطع علاقته بيك ، و يتجاهل وجودك و لا كأنه يعرفك ..
و يسيبك فى نار الحيرة و مرار السؤال : ياترى ايه اللي عملته معاه ؟؟
و ايه سبب ده كله ؟؟ و لما هو كان عاوزنى ابعد كده كان قربنى له كده ليه من الاول
و عشمنى و بعدين سابني " اتقلب علي جمر النار" !!
بيلاعب و يلًعب الناس بين صوابعه زى "اليويو" .
. يستمتع بوجع قلبهم و هو بيشوفهم بيتمرجحوا قدامه ..
و لما ضحيته يبعد و يحس انه ح يروح بعيد ،
يشد الحبل بسرعة و يقربه قوى و يعيد نفس اللعبة تانى و تالت ..
.اوعى تكون "يويو" فى ايد حد ..
و من اول ما تحس بأول اللعبة اشترى كرامتك
، و عزة نفسك و راحة بالك و ابعد بسرعة قبل ما يشدك تانى
، و سيبه يلعب " اليويو" مع حد غيرك !!
لا أحد في الدنيا يستحق أن ينام وهو يشعر بأنه لم يكُن كافياً او متروكا
او لعبة فى يدى من لا يستحق لقب انسان .
.. د.مجدى إسحق
|