[walaa farouk]

كتير فاكرين....

إن "كُوَّارُ الدَّقِيقِ لَمْ يَفْرُغْ، وَكُوزُ الزَّيْتِ لَمْ يَنْقُصْ"
ده وعد مطلق من الرب بالبركة لكل الناس، لكن الحقيقة مش كده😳
لو قرينا الآية اللي قبلها في ملوك الأول ١٧: ١٣
هنلاقي طلب إيليّا من أرملة صرفة صيدا..
"إعملي لي أولاً" .. وبعدها قال وعد الرب ليها بالبركة
طول فترة المجاعة.

وده معناه..
إن البركة دي مش لكل الناس..
بركة مشروطة.. أيوا دي حقيقة..
وعد البركة وتسديد الاحتياج في عز الجوع والعوز ده
بس لكل شخص قرر يصدق ويخاطر بإيمان
ويطيع وصية الرب ويعطي من القليل جدًا اللي عنده عشان خدمة الرب وعمله يكمل ويستمر...

والنتيجة الطبيعية والمكافأة الإلهية هتكون:
- بركة مستمرة لا تنقطع.
- تسديد كل احتياج حقيقي.
- شبع رغم الجوع والعوز المنتشر في كل مكان حوالينا.

أكرِم الرب أولا...بكل إللي عندك..حتى لو قليل جدااااا
بفرح، بإيمان، بسرور، بطاعة من القلب
وماتخفش من تحديات الواقع والظروف والمنطق.
هتلاقي الرب يكافئك وهيبارك كل حاجه قليلة عندك..
هتكفي وتزيد وتفيض

أَكْرِمِ الرَّبَّ مِنْ مَالِكَ وَمِنْ كُلِّ بَاكُورَاتِ غَلَّتِكَ،
فَتَمْتَلِئَ خَزَائِنُكَ شِبْعًا، وَتَفِيضَ مَعَاصِرُكَ مِسْطَارًا. (الأمثال ٣: ٩، ١٠)