[walaa farouk]

زوادة اليوم:
كلّ شي مكتوب بِسِجلّات السما

بيخبرو عن شب فقير بضيعة بعيدة شو ما اشتغَل
كان يضلّ مش قادِر يِكفي عيلتو.

بيوم من الإيّام كان ماشي عالطّريق و بلّشِت تشتّي
بيشوف مرا ختيارة عم ترجُف من البرد بلا شمسيّة و لا جاكيت.

بيعطِيها الجاكيت اللي إلو مع إنّو ما عِندو غَيرا !

نِسي هوّي الموضوع... بعد فترة بتِجي سِت غنيِّة كتير
عالضّيعة عم تسأَل عنّو!

طِلعت نفس الختيارة اللّي ساعَدها جايي تردّلو الجميل
و عرضِت عليه شغل معها و معاش عالي!

الزوّادة بتقلّي و بتقلَّك :

المنيح اللّي بتعملو بيرجعلَك... لو إنتَ نسيتو بيَّك السماوي
ما بينسى، كلّ شي مكتوب بِسِجلّات السما... و الله معك!