[Mary Naeem]

حظك اليوم 13 / 11 / 2024
شايلك جوة فى عينى









برج الخدام من 21 يناير الى 20 فبراير
( برج الدلو )

اى ضيقة تقابلك
اطلب انى اكون معاك فيها
مش اى حد تانى
لانى بحبك وعارف اللى يريحك فين
بس انت اطلب

برج الحكماء من 21 فبراير الى 20 مارس
( برج الحوت )

ماتحملش الهم لاى مشكلة تقابلك
مسيرها هاتنتهى
لكن فى وقتها خلى قلبك معايا
وانت هاتشوف كل العجائب فى حلها

برج الملايكة من 21 مارس الى 20 ابريل
( برج الحمل )

فى طريقك وانت ماشي
خطواتى هاتكون سابقة خطواتك
وعمرك ماهاتقع ابدا فى اى تجربة صعبة
الا وهاكون معاك فيها

برج الودعاء من 21 ابريل الى 20 مايو
( برج الثور )

كن معايا بقلبك وفكرك
اكون معاك فى اى ضيق وتعب
واقدملك اكتر ماتتمنى كمان

برج القديسين من 21 مايو الى 20 يونيو
( برج الجوزاء )

بحبك ودايما بختار ليك الصالح
بلاش عناد واقبل باللى بقدمة ليك
لان عمرك ما هاتندم من اختيارى لانى بحبك

برج المعترفين من 21 يونيو الى 20 يوليو
( برج السرطان )

حياتك كلها بين ايديا
انا عارف الصالح ليك فين
اوعى تتذمر

برج حاملى الصليب من 21 يوليو الى 20 اغسطس
( برج الاسد )

من امتى وانا مش جنبك وعينى عليك
ماتشيلش الهم واتطمن

برج الكارزين بالكلمة من 21 اغسطس الى 20 سبتمبر
( برج العذراء )

انت عارف انى بحبك .
وانا عارف اللى بتفكر فيه .
يبقى لية حزين .
سيبنى اجهزلك احسن عطية عندى واجملها من اجلك
واقدمهاك هدية فى الوقت المناسب .
فبلاش تتضايق وسيبها عليا .
دة انا اله المستحيلات

برج العذارى الحكيمات من 21 سبتمبر الى 20 اكتوبر
( برج الميزان )

هاتسمع خبر حلو يفرح قلبك
وتلاقى حالك اتبدل للاحسن
منا ابوك السماوى اللى دايما بحب ليك الاحسن

برج المجاهدين من 21 اكتوبر الى 20 نوفمبر
( برج العقرب )

شايلك جوة فى عينى
حامل كل مشاكلك
وفى ضيقك عينى عليك وبقويك
فقط ثق فيا

برج الاطهار من 21 نوفمبر الى 20 ديسمبر
( برج القوس )

افرح دايما يابنى وانت معايا
ماتشيلش الهم انا هاهتم بكل مشاكلك

برج البسطاء من 21 ديسمبر الى 20 يناير
( برج الجدى )

خليك دايما معايا فى طريقى
وماتعملش حاجة تزعلنى
علشان اكون معاك فى طريقك واسندك وافرح قلبك