[Mary Naeem]

سيدنا و كيس الطعمية 💔



موقف حصل مع سيدنا الانبا كاراس
كان فى طالب ف ثانوية عامة دخل ف اكتئاب و تعب نفسي كبير جدا و كان رافض يدخل الامتحانات و من شدة التعب النفسي ظهر عليه أعراض تنفسية صعبة
خدام كتير كانت بتروح تقعد تتكلم معاه و كهنة كتير و كانوا بيوعظوه كتير و لكن دون جدوى خالص من غير تأثير
والدة الطالب ده راحت لسيدنا و بكت بدموع قدامه عشان يصلى لابنها و مشيت
تانى يوم ف بيت الطالب ده ..الباب خبط ..فتحوا الباب
لقوا سيدنا الانبا كاراس واقف علي الباب و ف أيده كيس طعمية و عيش و حزمة جرجير و اليوم ده كان يوم جمعه صيام ..ضحك ف وشهم و قالهم
"فلان فين ..انا چاى اتغدى معاه و چايب اكلى معايا "
و دخل البيت و اخد الطالب ده ف حضنه اوى و كان بيفعصه ف حضنه بقوه ...و أكلوا سوا و القاعدة كلها ضحك و بس ..مقلش وعظ ولا اتكلم ف موضوع الاكتئاب اصلا ..كان كل هدفه يضحك الطالب ده
المهم سيدنا بعد ما خلص القاعدة و مشي ..تانى يوم اتصل بالطالب ده و قاله " مش انا چيت عندكوا امبارح و اكلت معاك ...هستناك تيچي تجعد معايا انهاردة و تتغدى معايا "
و فعلا الطالب راح و اتغدى معاه
و الموقف ده اتكرر كذا مره لحد ما الطالب ده نفسيته بقت حلوة و كويسة جدا و دخل الامتحانات و نجح و دخل كلية حلوة كمان ⁦❤️⁩
منقول
سيدنا الانبا كاراس كان انجيل معاش علي الأرض ⁦❤️⁩
و لسه الحكاوى كتير عنه
اذكرنا أمام عرش النعمة