[walaa farouk]

يحاربونك ولا يقدرون عليك ليه ؟!!
لانى انا معك يقول الرب لانقذك🥰
ممكن تكون بتحس بالتجارب اللى ربنا بينقذك منها،
لكن فى تجارب كتير اوى كانت جاية لك فى السكة
و ربنا منعها قبل ما توصل ليك وانت متعرفهاش
، انت بتعرف التدبير اللى ربنا انقذك منه،
لكن التدابير اللى كانت بتتعمل وانت متعرفش عنها حاجة اصلا
، ربنا افسدها و ضيعها قبل ما توصل لك.
طيب امتى بيقدروا عليك لما بتمشى لوحدك و متاخدش ربنا معاك
، لو كنت عايز تمشى فى سكة و توصل
قوله يارب مامشيش لوحدى ابدا لانى ياما مشيت لوحدى و ضعت فى الطريق، أن مكنتش تمشى معايا انا مش ماشى
، انا قاعد لك مش هتحرك الا لو انت خدتنى معاك و مشيتنى،
ايدى على ايديك و رجلى على رجلك ممشيش ابدا من غيرك👨‍👧.
"فَيُحَارِبُونَكَ وَلاَ يَقْدِرُونَ عَلَيْكَ، لأَنِّي أَنَا مَعَكَ، يَقُولُ الرَّبُّ، لأُنْقِذَكَ" (إر 1: 19)