26 - 10 - 2024, 07:28 PM
|
|
|
|
..::| الإدارة العامة |::..
|
|
|
|
|
|
- يا بختك باباك غني و ممكن يجيبلك كل اللي نفسك فيه.
- هو غني بس بخيل وعمره ما جاب لي حاجه نفسي فيها.
- إيه الرشاقه دي؟ على طول بتاكل شوكلاتة ومبتتخنش؟
- بس أنا مريض سكر.
- أكيد طبعا مبسوطة بعد ما نقلتي اميركا ؟
- آه عشت مع والدي فيها سنين بعد وفاة والدتي
- أهلك طيبين ومش مخليينك محتاجة حاجة.
- هما عارفين ظروفي ملخبطة و إن جوزي مش لاقي شغل.
- مراتك شاطرة أوي في كل حاجة.
- هي بتعلم نفسها عشان متحسش بالنقص لما الناس بتعرف إنها مخلصتش تعليمها.
- مراتك مرحة و إجتماعية ومطيعة.
- من بعد ما ماتت بنتنا و هي بتاخد أدوية مضاده للإكتئاب
و إنها تبقى وسط الناس ده جزء من علاجها.
....
الأمثلة اللي فاتت دي حقيقية و موجودة بيننا فعلا
فقبل ما تبص بعين الحرمان و الحسد لغيرك.. بص بعين التأمل لنفسك
وشوف ربنا مديك كام حاجة قصاد حاجة واحده إنت محروم منها!
الرضا و القناعة و الشكر سبب في دوام النعمة.
لا ينسيك فقدان المفقود الشكر علي الموجود!
|