[Mary Naeem]

ممكن يوم يا رب أرجعلك


ممكن يوم يا رب أرجعلك والاقي ايدك ممدودة ليَّ

ويكون ليَّ نصيب من حبك يملى حياتي وكل ما فيَّ

ياما كتير بعدت بعيد مش شايف غير نفسي وبس

نفسي يا رب في يوم تجديد يفرح قلبي بيك ويحس


يوم ما تركت حبي الاول اغلى واطيب رب حبيب

يوم ما لقيت قلبي بيتحول لقلب حجاره وماله طبيب

رجلي بتجري في طريق الشر بتدور عن شهوة خطية

سنين بتعدي زمان بيمر عقلي عنيد افكاره رديه

حتى كلامك ربي نسيته بعد ما كان ثابت جوايا

انجيلي تركته صليبي رميته تاه مني سلامي فقدت عزايا