[walaa farouk]

قم أحمل سريرك وأمشي..
يا طبيثا قومي..
يا إمرأه محلوله من ضعفك..
في كل مرة بقرا الكلمات دي بتشجع أوي وباشوف فعلًا القوة الإلهية حاضرة..
لكن اللي لفت نظري من وقت قريب معجزة ابن ارملة نايين،
الرب ماهتمش بس إنه يقوّم لها ابنها، وحيدها، سندها في الدنيا،
لكن
"فَلَمَّا رَآهَا الرَّبُّ تَحَنَّنَ عَلَيْهَا، وَقَالَ لَهَا: «لاَ تَبْكِي ( لوقا ٧: ١٣)
أنا حاسس بوجعك وجنبك ومعاكي أنا مش بس هعملك المعجزة واقومه،
انا عايزك كمان تعرفي اني مش سايبك انتي،
يهمني كمان إنك تحسي بوجودي معاكي وتختبريه مش بس في المعجزة..
ودا اللي الرب يسوع عايز يوصلهولك النهاردة، يفرق معاه إنت،
مش بس يحققلك طلبك،
لكن تختبر وجوده ومعيته ومحبته🙏💜