[Ramez5]

القصة دي مميزة شوية علشان قالها المسيح بنفسه
في يوم كان متجمع المسيح هو والتلاميذ
وسأله بطرس هو أنا المفروض أغفر لأخويا كام مره ؟ سبعة كويس ؟! 🤔
بالنسبة لبطرس ده كان رقم كبير بس المسيح قاله لا ده سبعة سبعين مره و قصده انه يقوله إلى ما لا نهاية ❤️
وبعدها يقول المثل ده أن كان فيه ملك قرر انه يحاسب عبيده ف كان ليه عند واحد عشر ألاف وزنة 😮 !!
والعبد ده مكنش معاه فالملك سامحه 😍
لكن بيكمل و بيقول ان أول ما العبد ده اللي سامحه الملك ب كل المبلغ ده قابل حد تاني
كان الحد ده مديونله ب 100 دينار بس و الحد ده مكنش معاه يردله بس العبد معملش زي الملك و سامحه ده وداه السجن لغاية ما يسدد الدين ده 🙁 !
ولما الملك عرف جاب العبد ده و قاله مش كان المفروض ان انت ترحم أخوك زي ما رحمتك ؟؟
المسيح كان عاوز يعلمنا ان زي ما الله بيغفرلنا خطايانا اللي مش بتتعد !
لازم احنا بردو نغفر لاخواتنا ‫❤
فَإِنَّهُ إِنْ غَفَرْتُمْ لِلنَّاسِ زَلَّاتِهِمْ يَغْفِرْ لَكُمْ أَيْضًا أَبُوكُمُ ٱلسَّمَاوِيُّ
وَإِنْ لَمْ تَغْفِرُوا لِلنَّاسِ زَلَّاتِهِمْ لَا يَغْفِرْ لَكُمْ أَبُوكُمْ أَيْضًا زَلَّاتِكُمْ