[Mary Naeem]

كارثه حقيقيه




كان عندى فى السطح عشة فراخ كل ماجيب فيها كتاكيت الفيران تاكلهم ، بكلم حد وبحكيله قالى احسن حاجه تعملها انك تشيل سقف العشه خالص وتعمل سقف من اول وجديد عشان تقفل اى مكان الفيران بتدخل منه ، قولتله لا ياعم دى مكلفه جداً انا هاعمل حاجه احسن وارخص ، المهم جيبت واحد سد كل جوانب السقف بالاسمنت وقفلتها من جوه بسلك يعنى مستحيل ناموسه تعدى مش فار..
لكن للأسف �� مافيش فايده وكأنى ماعملتش حاجه وخسرت كتير بسبب كدا ..
الخلاصه اللى عاوز اقولها هنا ماينفعش ابداً تكون خارب الدنيا مع حد وواكل حقه وظالمه ومش مقدره قدام الناس وبكل بساطه عاوز الدنيا تبقى تمام وينسى كل حاجه لما تحايله بكلمتين ..
مافيش كدا
لازم تصلح اللى انت عملته وتنضف البلاوى اللى سببها كل موقف وحش وبايخ عملته معاه لازم تأسس العلاقه صح وتبدأ معاه بقلب مُحب عشان انت اللى هاتخسر فى الاخر وخسارتك ساعتها مافيش اى حاجه ممكن تعوضها يوم ماتكون وحدك وماتلاقيش حد يقف جنبك ..