[Mary Naeem]

احنا فى عالم ملىء بالمرضى اللى ممكن حرفيا يدمرونا نفسيا



مره زمان ايام الجامعه كان عندى دور برد بس شديد شويه فاواحد صحبى قالى تعالى نروح لدكتور عشان تخف بسرعه ، قولتله لا ياعم انت هاتكبر الموضوع ليه هى اتنين كونجستال مع كوبايه شاى بلمون وتظبط الكلام هاعرق عليهم واصحى الاقى نفسى زى الفل ..
يوم فى التانى السخونه بدات تزبد والكحه بقيت صعبه قوى لدرجه انه اغمى عليا من شدة السخونه ..
صحابى فى السكن شالونى وودونى للدكتور ، الحمدلله لحقونى فى الوقت المناسب لان الموضوع كان هايقلب بالتهائب روئى شديد ..
الخلاصه اللى عاوز اقولها عود نفسك دايما انك تسأل أهل الخبره فى أى مشكله عشان الموضوع يتحل بسرعه ...
مايكونش عندك اكتئاب حاد مثلا وتروح لرجل دين يصليلك انا مش بقلل طبعا من اهمية رجال الدين فى حياتنا بس احنا قدام حاله مرضيه لازم تتعالج عن طبيب نفسى وده مش عيب ولا عار عليك بالعكس
انت فى الحاله دى محتاج لإرشاد مهم جداااا لحالتك ودعم نفسى قوى جدا من اللى حواليك بالاضافه لدكتور نفسى يعرف يعالج حالتك كويس ..
ناس كتيره جدااااا بيتكسفوا يعترفوا انهم محتاجين لطبيب نفسى وكأنه عار عليه بالعكس المرض النفسى مرض زى اى مرض بيتعالج بسهوله جدا لو روحت لمتخصص ..
بره مصر ظ©ظ*ظھ من الناس عندهم الطبيب النفسى الخاص بيهم ، ده مش عيب خااالص بالعكس احنا فى عالم ملىء بالمرضى اللى ممكن حرفيا يدمرونا نفسيا فا انت بتحصن نفسك ..