[walaa farouk]

في مرة شاب راح لأب اعترافه و سأله
" هو ليه ربنا بيسمحلي اني أختار حد و أحبه جدا
و أتعلق بيه وفي الاخر ميكونش فيه نصيب و أتعب انا و هي ؟!
راح ابونا قاله حاضر هقولك بس في الاول هاتلي ورقة و قلم
من جوا علي المكتب و تعالي أقعد هنا جنبي
راح الشاب دخل بسرعة وجاب ورقة و قلم لأبونا و قعد جنبه
راح ابونا مسك الورقة و القلم و راح يكتب لقي سن القلم مكسور
, فقاله سن القلم مكسور ومش هعرف أكتب بيه انت مختش بالك ليه !
أدخل تاني هات قلم غير ده , راح الشاب دخل و جاب قلم تاني
ابونا مسك القلم ولسة هيكتب في الورقة لقي ان القلم طافح ,
فقاله القلم بايظ خالص انت ازاي مش بتأخد بالك منه !
ادخل تاني هات قلم غيره ده
راح الشاب دخل و جاب قلم تاني , ابونا مسك القلم
و بيبص لقي القلم فاضي , فقاله القلم فاضي انت ليه مختش بالك كويس !
أبونا قاله معلش ادخل هات قلم تاني , راح الشاب دخل المكتب
و قعد يدور كويس علي احسن و أحلي قلم و جابه لأبونا و قعد جنبه
أبونا قاله بص يا حبيبي انت صحيح تعبت لما كنت كل شوية بتدخل تجيب قلم
و تيجي بس في الاخر عرفت تختار أحسن و أجمل قلم نكتب بيه
ربنا بيسمحلك انك تتعب و تختار غلط في البداية
و تكسب خبرة علشان في الاخر تقتدر تختار أحسن قلم تكتب و ترسم بيه حياتك❤️ا
ختار_صح