[Mary Naeem]

روحت اشتريت مايكرويف من تاجر جنبى المفروض انه صحبى جامد يعنى المهم قعد معايا اسبوع بالظبط وبدأ درجة حرارته تقل ومايسخنش بسرعه وبيفصل كل شويه ..
روحتله قالى اصل ممكن يكون الكهربا عندك مش مظبوطه وبتعلا وبتنزل كل شويه انت لازم تشترى مشترك منظم كهربا عشان يحافظلك علين ..
قولتله تمام واشتريت منه المشترك ..
تانى يوم المايكرويف زى ماهو مافيش تغيرى ...
روحتله قالى اصل ممكن تكون البريزه اللى حاطط فيها مشترك الميكرويف مش كويسه ونوع قديم وممكن تضرب فى اى لحظه انت لازم تشترى بريزه كمبيوتر تحميلك الجهاز ..
قولتله ماشى واشتريتها منه بردو ...
تانى يوم نفس الكلام ، روحتله ..
قالى اصل ممكن يكون المايكرويف مكتوم من تحت انت لازم تشتريله القاعده بتاعته عشان الماتور بتاعه مايسخنش ..
قولتله تمام واشتريتها من عنده بردو ..
تانى يوم المايكرويف ضرب واتحرق ..
روحتله قالى اصل انت ممكن تكون حملت عليه بزياده ..
الخلاصه اللى عاوز اقولها ..
الناس اللى من نوعية التاجر دى اللى مستحيل يشوفوا نفسهم غلطانين او فيهم عيب ولازم يغيروه دول تبعد عنهم فورا عشان حرفيا هايستنزفوا كل نقطه من دمك لغاية ما تموت ، الناس دى سم فى حياه كل شخص عاملين زى السوس بيدمروا الاساس النفسى لغاية ماتبقى ميت روحيا ..
. يمتلئ فَمه بالظُلْم (مز 107: 42)، بِالشرّ يَتَكلَم ساخِرا وبِالظُّلم يَتَحَدَّث مُتَشامِخا(مز 73: 8).
. يعرف الشماتة (مز35: 19) والبغض (مز 38: 20)، الدَّمارُ في داخِلِه والظُّلمُ والمَكرُ لا يَبرَحانِ ساحَتَه (مز55: 12). فيَعيش بالظُّلم (حك 14: 28).
. يمتلئ مِن أَنواعِ الظُّلْمِ والخُبْثِ والطَّمعَ والشَّرّ (روم 1: 29) ولا يبقى فيه إِلاَّ ظُلْم (ار6: 6).