[walaa farouk]

لو بصيت حواليك ، اتفرجت على التليفزيون
، دورت في السوشيال ميديا هتلاقي شرور كتيرة جدا
و افكار و معتقدات مش بتاعتنا و ناس بتعمل غلطات كبيرة جدا
و بتسخر من ربنا نفسه و اول سؤال تسأله لنفسك
هو ربنا ساكت على الشرور و الناس دي كلها ازاي ؟
بس تعرف ؟ ربنا مش ساكت على حاجة
هو سايب للناس فرصة يمكن يتوبوا
يمكن يقبلوا ان نعمته تشتغل فيهم
عشان هو "المخرج من الجافي حلاوة"
ربنا كان شايف اللي بيضطهده و يقتل شعبه رسول عظيم
و كان شايف في قصص القديسين
رئيس العصابة القاتل و الزاني اعظم قديس .
الناس دي محتاجة تشوف ربنا فينا نكون ليهم نور
و نبينلهم انهم كمان جواهم نور و جمال محتاج يطلع و يشوفوه .
السيد المسيح لما جه مختارش احسن ناس في العالم
محاولش يحاوط نفسه بس بالناس الكويسة و يسيب الباقي
، نزل العشار من الشجرة و اكل عنده شفى مفلوج
و قاله متكررش الخطية و كان بيقرب من الناس البعيدة
، المسيح عارف ان لما نعمته تشتغل في الخطاة ، هيقدر يطلع منهم بولس عظيم او مجدلية جميلة .
"لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ»." (لو 5: 32).