[walaa farouk]

متفكروش ان يوم ما ربنا يدافع عنا قدام الناس اللي أذتنا ..
انه هيلبس روب المحاماه ويبتدي ينتقم منه ..

لأ خالص .. ربنا ممكن يتمهل عليهم ويطول آناته
علشان يديهم فرص للتوبة ..

يجي السؤال بتاعكم :

أمال ياترى ربنا هيعمل ايه علشان يجيبلنا حقوقنا ؟؟؟؟

داود النبي مرة صرخ لربنا علشان يجيبله حقه من شاول الملك
اللي بيضايقه .. وقال في( مز ٥٧ ):

" اصرخ الى الله العلي ، الى الله المحامي عني . "(مز ٥٧ : ٢ )

هتقولوا اهو ياتاسوني ربنا هيلبس الروب بتاع المحاماه ويجيبلي حقي ..

لأ حبيبتي

" الى الله المحامي عني " مترجمة في الانجليزية :

To God who performs all things for me

بمعنى :
الى الله اللي بيوظف كل الاشياء لأجلي

يعني ربنا في دفاعه عنا هينسج من خيوط الشر اللي بيعملوها اعدائنا ثوب خير لينا

من خيوط انتقام اخوة يوسف والقائه في البير والسجن
هينسج خطة عظيمة ان يوسف يصبح الراجل الثاني بعد فرعون ..

من صليب هامان وحقده من مردخاي
هينسج خطة خلاص عظيمة لأستير وشعب ربنا ..

من نوح و بكاء ايوب على الخسارة
هينسج خطة تعويض اضعاف اضعاف ..

ربنا المحامي عني .. اللي بيحول كل الاشياء لخيري

"وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ
لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ." (رو 8: 28).