الفقرة الخامسة: معجزات
*اى حد حابب انه يشارك بمعجزة للست العدرا يقدر انه يقدمها ويشاركنا بيها تبع الفقرة دى
بما ان موضوع حلقة انهارده عن العذراء شفيعة الخطاة والتائبين فخلونا نتشجع انهارده ونطلبها في انها تشفع فينا قدام ابنها وحبيبها انه يغفر لينا كل خطايا ويطهرنا ويحفظنا...هى اكيد معانا والحقيقة على المستوى الشخصي فعلا بطلبها وبتشجعنى انى اتوب وخصوصا لما بكون حاسة بخجل او روحي تقيلة علىّ ..دايما بحسها فعلا باب السماء اللى بتدخلنى لحضن ابويا وهي دايما معايا وبتحسسنى دايما بمعنى اية "كمثل انسان تعزية امه" لانها هي ام حنونة وشفيعة امينة وبشجعكم انهارده ان لو حاسين ان كمان روحكم تقيلة ومثقلة بخطايا قولولها وهي هتساعدكم تدخلوا الى حضن الاب وتتمتعوا بغفرانه وحبه وابوته....
هختم بالقطعة اللى بنقولها في صلاة الغروب
لكل إثم بحرص ونشاط فعلتُ، ولكل خطيةٍ بشوق واجتهاد ارتكبتُ، ولكل عذابٍ وحكم استوجبتُ. فهيئي لي أسبابَ التوبة أيتها السيدة العذراء. فإليك أتضرع وبك أستشفع، وإياك أدعو أن تساعديني لئلا أخزى. وعند مفارقة نفسي من جسدي احضري عندي، ولمؤامرة الأعداء اهزمي، ولأبواب الجحيم أغلقي. لئلا يبتلعوا نفسي يا عروس بلا عيب للخَتْن الحقيقي.
انتظروا اخر فقرة وهى تمجيد للقديسة العذراء مريم